Aynur Qurbanqızı Yevlax
şəhərində 4 saylı orta məktəbi
bitirib. Bakı Dövlət Universitetinin kimya fakültəsinin məzunudur. Hazırda
BDU-nun mətbuat xidməti və informasiya şöbəsində çalışır. Respublika mətbuatında
bir sıra yazıları və hekayələri işıq üzü görmüşdür. "Xanımların gözəllik sirləri”
ilə bağlı 10-dan çox kitabın müəllifidir.
Tibbi sahəyə olan böyük həvəsi
onun insanlar üçün olduqca faydalı və qiymətli olan "Orqanizmin təbii üsullarla
təmizlənməsi” kitabını tərtib etməsinə səbəb olmuşdur. Yaxın günlərdə isə,
Aynur Qurbanqızının bu səpkidə növbəti kitabları işıq üzü görəcək.
Qeyd edək ki, müəllifi
olduğu bütün kitablar Azərbaycanda ana dilimizdə ilk dəfə nəşr olunur. İstər
gözəlliyə, istərsə də sağlamlığa aid bu kitabların hər biri hazırda mövzusuna görə
ilk olmaqla yanaşı, həm də insanların ixtiyarına verilmiş yeganə nəşrlərdir.